Astaghfirulloh Robbal barõyã

أستغفر الله رب البرايا أستغفر الله من الخطايا,,,

Astaghfirullah robbal barõyã # Astaghfirullah minal khothoyã

Aduh gusti abdi neda di hampura # Tina dosa-dosa abdi nu di haja
Sareng dosa-dosa abdi nu rumasa # Wungkul ka gusti abdi sumerah
Ukur mung ka gusti abdi seja pasrah…

Astaghfirullah robbal barõyã # Astaghfirullah minal khothoyã

Abdi sadayana makhluk teu berdaya # Tina sagala macem gogoda
Mayunan cocoba hante walakaya # Tanpa pertolongan nu maha kawasa
Jeung  wungkul ka gusti nyuhunken di raksa…

Astaghfirullah robbal barõyã # Astaghfirullah minal khothoyã

Abdi atos maca tina ayat suci # Sadayana makhluk eta bakal mati
Nyawa bakal lepas tina diri abdi # Pisah raga badan sareng anak rabi
Pisah raga badan sareng kaluargi…

Astaghfirullah robbal barõyã # Astaghfirullah minal khothoyã

Dimana saatna abdi rek sakarat # Abdi sieun hese ngucapken syahadat
Rumasa sim abdi ka Allah teu tho’at # najan jeujeuritan hoyong menang rohmat
Sabab tos waktuna tutup lawang tobat…

Astaghfirullah robbal barõyã # Astaghfirullah minal khothoyã

Dulur  sarerea ukur nyengceurikan # Sabab poe eta bakal perpisahan
Anak istri salaki teu bisa nahan # Harta sareng banda oge kapangkatan
Dulur jeung baraya teu bisa nulungan…

Astaghfirullah robbal barõyã # Astaghfirullah minal khothoyã

Abdi tos ngajepat cicing teu eungapan # Baju sareng perhiasan nuju dibukaan
Sebab raga abdi bade dimandian # Tos dibersihan dibungkus ku kapan
Sadayana adeg  bade nyarolatan…

Astaghfirullah robbal barõyã #             Astaghfirullah minal khothoyã

Abdi dipindahken teras di asupken # Kana kurung batang abdi di jepatkeun
Rurub kurung batang tuluy ditutupkeun # teras di garotong bade di anterkeun
Ka galian kubur nu tos di siapkeun…

Astaghfirullah robbal barõyã # Astaghfirullah minal khothoyã

Abdi di asupkeun kana pakuburan # Tuluy di golerkeun kana pakuburan
Abdi jeujeuritan taya nu nembalan # Kalah di padungan teras di urugan
Bari di tincakan taneuh di padetan…

Astaghfirullah robbal barõyã # Astaghfirullah minal khothoyã

Palapah kamboja teras di tancepkeun # Di luhur kuburan abdi di pelakeun
Batu nisan lebah sirah jeung tunjangeun # Cai di kucurkeun kembang di aurkeun
Abdi nu dikubur ukur ningalikeun…

Astagfirullah robbal barõyã # Astaghfirullah minal khothoyã

Eungap sareng poek mimiti karasa # hoyong ningal curuk oge hante bisa
Kesang ngucur panasna luar biasa # hareudang bayeungyang  ku abdi karasa
Kaduhung hanjakal kakarak rumasa…

Astaghfirullah robbal barõyã #             Astaghfirullah minal khothoyã

Di luhur ka kuping beres nu nalqinkeun # anu isina ka mayit eta mapagahan
Di akhiran do’a bari di aminan # Sadaya ninggalkeun abdi ngan sorangan
Dulur  jeung  baraya hanteu ngareujeungan…

Astaghfirullah robbal barõyã # Astaghfirullah minal khothoyã

Sabab waktu hirup loba ngieun dosa # sombong jeung bedegong ka pada manusa
Ngucap ka awonan di anggap biasa # laku lampah salah asa henteu dosa

Astaghfirullah robbal barõyã # Astaghfirullah minal khothõyã

Rumasa ibadah mindeung lalaora # akhlaq anu sae hanteu di piara
Teras teu daek nulungan jalmi nu sangsara # kanu sahandapeun sok nyieun pilara

Astaghfirullah robbal barõyã # Astaghfirullah minal khothõyã